Hvít Jól
Vímulaus Jól
Gleðileg Jól
Hvít jól er forvarnarátak sem miðar á áfengisneyslu fullorðinna á jólunum. Verkefnið er þróað af IOGT hreyfingunni í Svíþjóð og Finnlandi. Átakið hefur verið keyrt í nokkur ár í Svíþjóð og er farinn að breyðast til annarra landa. Svo sem Noregs, Færeyja, Íslands og Slóvakíu. Markmið átaksins er að vekja athygli á spurningunni hvers vegna áfengi ætti að vera svo stór þáttur af jólahátíðinni sem miðar svo mikið að börnum. Það dregur líka fram í dagsljósið börn sem ekki eiga að þola að búa við misnotkun áfengis hjá foreldrum.
Takk fyrir Hvít Jól
Við þökkum fyrir undirtektirnar við Hvít Jól átakinu og öllum þeim sem gerðust fulltrúar átaksins. Um 400 manns gerðust beinir fulltrúar átaksins og báru þannig skilaboðin áfram út í samfélagið. Reynslan af átakinu er góð og tók fólk okkur fagnandi. Næstu jól höldum við aftur úti verkefninu og er þá líklegt að fleiri þekki til okkar og verði með.
Hvít Jól fulltrúar
Fulltrúar Hvítra Jóla eru þeir sem velja að nota ekki áfengi hátíðisdagana 24.-26. desember.
Hvít Jól fulltrúar
Fulltrúar átaksins ganga um götur og torg fram að jólum og kynna átakið.
Hér er skriflega formið sem við notum til staðfestingar á þátttökunni
Fulltrúar Hvítra Jóla eru þeir sem taka undir hvatningu okkar að halda hátíðina Vímulaust.
Hvít Jól á strætum og torgum.
Fulltrúar IOGT og 0% fóru meðal annars í Glæsibæ verslanamiðstöðina og kynntu Hvít Jól átakið fyrir gestum og gangandi. Góður rómur var gerður að átakinu og því fagnað.
Frá IOGT á Íslandi í tilefni af jólum
Aðalsteinn Gunnarsson Framkvæmdastjóri skrifar
Átakinu er skipt í tvo þætti. Annars vegar að fullorðnum og hins vegar börnum undir 18 ára aldri. Fullorðni þátturinn er til að breyta norminu og skoðunum gangnvart áfengisneyslunni. Þessi þáttur innifelur að finna flotta sendiherra sem standa fyrir góð gildi. Sendiherrarnir skrá sig á heimasíðuna eða hjá fulltrúum Hvít Jól. Flott fyrirtæki sem taka upp þessa stefnu líka og taka afstöðu gegn því að gefa áfengi í jólagjafir og láta vita af því. Fyrirtækin hvetja líka sitt starfsfólk til að halda upp á hvít jól án áfengis og vímuefna. Fjölmiðlaumræða er mikilvæg í þessu átaki og þurfum við að hvetja sem flesta til að vera með.
Gagnvart börnum og ungmennum eru settar upp skemmtanir í vímulausu umhverfi sem þau geta þá sótt í til að fá frí frá neyslu á þeirra heimili. Þar geta þau fengið stuðning og tilvísun í leiðir sem geta leitt til lausnar á þeirra vanda.